A preliminary analysis of bending behavior of electric arc furnace slag concrete beams )

LABURPENA: Bizi garen mundua zaintzeko erronka dugu aurrean, horretarako garapen jasangarriaren helburuak bildu dira agenda 2030n. 12. Erronkari begira “Kontsumo eta ekoizpen iraunkorreko modalitateak bermatzea” hondakinen kudeaketa landu behar den prozedura da. Altzairugintza industria garrantzitsua da Euskal Herrian, ezin bestekoa ekonomiaren garapenerako. Horregatik sektore honek sortzen dituen hondakinei bizitza berri bat bilatzeko beharra dago. Hondakin nagusiak zepa beltza dira eta eraikuntza sektorean dute bere erabilpen nagusia. Urte askotan zehar zepa beltzaren portaera aztertu egin da agregakin bezala masa hormigoietan, emaitzak oso onak lorturik. Horregatik lan honetan pauso bat aurrerago emango da eta zepa beltzaren erabilera aztertuko da hormigoi armatuzko egiturak eraikitzeko. Laborategiko lan txikiak alde batera utzita, 600l-ko bolumena egingo da, eraikuntza prozedura arrunt batean edozein sendotasuneko zepa beltzez eginiko hormigoia nola fabrika daitekeen baieztatzeko. Lan honen erronka 4m-ko hormigoi armatuzko habeak fabrikatzea da, makurdura aurreko portaera aztertzeko, erabiliko diren hormigoiak autotrinkotzaileak izango dira. Lortutako balio esperimentalak, araudietan oinarritutako balio analitikoekin alderatu dira, emaitza onak lortu direlarik.